Unity ընկեր

Unity-ի փաթեթի բաժանո՞րդ ես, հրավիրիր ընկերներիդ, ընտանիքի անդամներիդ կամ գործընկերներիդ միանալու Unity-ին և ձեզնից յուրաքանչյուրը կստանա 10 000 դրամ իր Unity հաշվին։

Ինչպես հրավիրել ընկերոջը?

Քայլ 1

Ընկերոջդ հրավիրելու համար պարզապես պետք է քո Unity համարից հավաքես հետևյալ հրահանգը՝ *430*հրավիրվողի հեռախոսահամար*1#:

Քայլ 2

Ընկերդ 1 օրվա ընթացքում պետք է հաստատի հրավերը հետևյալ հրահանգով՝ *430*քո հեռախոսահամարը*2#:

Քայլ 3

Հրավերը հաստատելուց հետո, ընկերդ պետք է 15 օրվա ընթացքում այցելի Ucom-ի սպասարկման ցանկացած կենտրոն և միանա Unity փաթեթին:

Էլ ի՞նչ է պետք իմանալ

Առաջարկից կարող ես օգտվել, եթե Unity փաթեթներից որևէ մեկին բաժանորդագրված ես 12 ամսով։
Ընկերդ, ում հրավիրում ես, պետք է լինի Ucom շարժական հեռախոսակապի բաժանորդ և առնվազն 3 ամիս չհանդիսանա Ucom ֆիքսված կապի բաժանորդ։
Unity փաթեթին միանալուց հետո, քո և ընկերոջդ ծառայությունները պետք է 90 օր անընդմեջ ակտիվ լինեն, որից հետո կստանաք գումարը։
Մեկ տարվա ընթացքում կարող ես հրավիրել մինչև 5 ընկեր։
Հրավերն ընդունած և Unity փաթեթին միացած բաժանորդը նույն հեռախոսահամարով այլևս չի կարող մասնակցել ծրագրին որպես հրավիրված անձ։
Ստացած գումարը կարող եք օգտագործել Unity ծառայություններից օգտվելու համար՝ բացառությամբ «Գումարի փոխանցում» ծառայության։
Եթե պայմանագրի ստորագրման օրվանից սկսած 1 ամսվա ընթացքում ծառայությունները տեխնիկապես չակտիվացվեն, ապա հրավերի ժամկետը կլրանա և քո ընկերը չի կարողանա մասնակցել ծրագրին։ Այս դեպքում հրավերը պետք է կրկնել։
Եթե ընկերդ 90 օրվա ընթացքում մատուցվող ծառայությունը կասեցնի, դադարեցնի կամ անցում կատարի ավելի ցածր սակագնով Unity փաթեթի, ապա ձեզնից ոչ մեկը չի ստանա 10 000 դրամը։
Եթե 90 օրվա ընթացքում կասեցնես կամ դադարեցնես մատուցվող ծառայությունը, ապա 10 000 դրամը կստանա միայն ընկերդ։
Ծրագրին միացած ընկերդ չի կարող օգտվել Unity 5000 մարզային առաջարկից և այն հատուկ առաջարկներից, որոնք ներառում են անվճար ամսավճարների տրամադրում։
Հրավիրված ընկերդ ևս կկարողանա նոր ընկերներ հրավիրել Unity և ստանալ 10 000 դրամ յուրաքանչյուրի համար։

Ընդհանուր դրույթներ և պայմաններ

Unity պարգևատրման ծրագիրը (այսուհետ՝ Ծրագիր) թույլ է տալիս Unity փաթեթի գործող բաժանորդներին հրավիրել ընկերներին, ընտանիքի անդամներին կամ գործընկերներին դառնալ Unity փաթեթներից որևէ մեկի շրջանակում մատուցվող ծառայությունների (այսուհետ՝ Ծառայություններ) բաժանորդ:
Յուքոմ՝ «Յուքոմ» փակ բաժնետիրական ընկերություն։

Հրավիրող անձ՝ Unity փաթեթներից որևէ մեկին 12 ամսով բաժանորդագրված ակտիվ բաժանորդ, ում մատուցվող ծառայությունները սահմանափակված կամ կասեցված չեն։

Հրավիրված անձ/Ընկեր՝ Հրավիրող անձի կողմից Ծրագրին մասնակցելու հրավեր ստացած անձ, ով հանդիսամում է Յուքոմի շարժական հեռախոսակապի բաժանորդ։

Ծրագրի մասնակից՝ Հրավիրող անձ և/կամ Հրավիրված անձ(անձինք)։

Պարգևատրում՝ դրամական միջոց, որը փոխանցվում է Ծրագրի մասնակիցներից յուրաքանչյուրի Unity շարժական կապի հաշվին ուղեցույցով նախատեսված գործողությունների պատշաճ կատարման դեպքում։

Սպասման ժամանակահատված՝ Հրավիրված անձի կողմից հրավերը ստանալու պահին հաջորդող 24 ժամյա ժամանակահատված, որի ընթացքում Հրավիրված անձը կարող է հաստատել հրավերը։

Ծառայությունների ակտվացում՝ Unity փաթեթի շրջանակներում մատուցվող և՛ շարժական, և՛ ֆիքսված ծառայությունների ակտիվացում։

Փորձնական ժամանակահատված՝ Ծառայությունների ակտիվացմանը հաջորդող 90 օրյա ժամանակահատված։
1․ Հրավիրող անձը պետք է լինի Unity-ի փաթեթի շրջանակում մատուցվող ծառայության ընթացիկ բաժանորդ՝ ակտիվ ֆիքսված ծառայություններով: Հրավիրող անձի և Յուքոմի միջև պետք է կնքված լինի Unity փաթեթին 12 ամսով բաժանորդագրվելու վերաբերյալ համաձայնագիր։

2․ Ծրագրին չեն կարող մասնակցել Ucom-ի աշխատակիցները, Galaxy-ի բենեֆիտ քարտապանները և կորպորատիվ բաժանորդները։

3․ Հրավիրված անձը պետք է լինի Յուքոմի շարժական հեռախոսակապի բաժանորդ: Հրավիրված անձը չի կարող ունենալ զուգահեռ մեկ այլ ընթացիկ հրավեր կամ լինել այլ անձի Ծրագրի մասնակից:

4․ Հրավիրված անձը չպետք է հանդիսանա Յուքոմի ֆիքսված կապի բաժանորդ։ Եթե համապատասխան հասեցում նախկինում մատուցվել են Յուքոմի ֆիքսված կապի ծառայություններ, ապա տվյալ բաժանորդային պայմանագիրը պետք է լուծված լինի Հրավիրված անձի՝ Յուքոմի վաճառքի և սպասարկման գրասենյակ մոտենալու օրվանից առնվազն 3 ամիս առաջ։

5․ Հրավիրված անձը Պարգևատրում ստանալու համար պետք է հաստատի ստացված SMS հաղորդագրությունը։

6․ Հրավիրված անձի և Յուքոմի միջև կնքվում է Բաժանորդային պայմանագիր, ինչպես նաև Unity փաթեթին 12 ամսով բաժանորդագրվելու վերաբերյալ համաձայնագիր։

7․ Հրավիրող անձը 1 տարվա ընթացքում կարող է հրավիրել մինչև 5 հոգու։ Հրավիրված անձանցից ցանկացածի կողմից հրավերը չհաստատվելու դեպքում, Հրավիրող անձը կարող է հրավիրել այլ անձի։

8․ Ուղեցույցի 7-րդ կետում նշված 1 տարվա ժամկետի հաշվարկը սկսվում է Հրավերի հաստատման օրվան հաջորդող օրվանից։

9․ Ծրագրին միացած Unity բաժանորդը չի կարող օգտվել Unity 5000 մարզային առաջարկից և այն հատուկ առաջարկներից, որոնք ներառում են անվճար ամսավճարների տրամադրում։

10․ Առաջարկը հաստատած և Ծառայություններին 12 ամսով բաժանորդագրված Հրավիրված անձի հեռախոսահամարը չի կարող այլևս մասնակցել Ծրագրին:
1․ Հրավերների ուղարկում․

Հրավիրող անձը SMS հաղորդագրության միջոցով ուղարկում է հրավեր՝ օգտագործելով հետևյալ USSD կոդը՝ *430*0XXYYYYYY*1#:

2. Սպասման շրջան․
- Հրավերը ստանալուց հետո Հրավիրված անձն ունի 1 օր առաջարկը հաստատելու համար՝ ուղարկելով պատասխան USSD հրաման՝ *430*0XXYYYYYY*2#:
- Եթե 1 օրվա ընթացքում հրավերը չի հաստատվում՝ ուղարկված հրավերը համարվում է անվավեր, իսկ Հրավիրող անձը հնարավորություն է ունենում ուղարկել նոր հրավեր:
Հրավիրված անձը Բաժանորդային պայմանագիրը և Unity փաթեթին 12 ամսով բաժանորդագրվելու վերաբերյալ համաձայնագիրը կնքելու նպատակով պետք է այցելի Յուքոմի վաճառքի և սպասարկման ցանկացած գրասենյակ։ Բաժանորդային պայմանագիրն անհրաժեշտ է կնքել Սպասման ժամանակահատվածին հաջորդող 15 օրվա ընթացքում:
Ծրագրի բոլոր փուլերում կարգավիճակի վերաբերյալ SMS ծանուցումները ուղարկվում են ինչպես Հրավիրող անձին, այնպես էլ Հրավիրված անձին՝ տեղեկացնելով նրանց բոլոր համապատասխան գործողությունների մասին: Մեկ անգամ ուղարկված SMS-ը, չի կարող նորից ուղարկվել: Այնուամենայնիվ, կարգավիճակի մասին տեղեկատվությունը կարող է տրամադրվել Յուքոմի վաճառքի և սպասարկման ցանկացած գրասենյակի աշխատակիցների կողմից: Միակ բացառությունը վերաբերում է առաջին SMS-ին, կամ ցանկացած SMS-ին, որը չի հաստատվել սահմանված ժամկետում. նման դեպքերում ուղարկողը կարող է կրկին ուղարկել հրավերի հարցումը: